ALADOP.KZ
Қазақстан

Алаң сыртындағы кубокқа талас

Алаң сыртындағы кубокқа талас! Дәл осындай тақырып қойғанды жөн деп шештім. Себебі Суперкубок алаң сыртында тұрды. Және оған таласқан командалардың тағдырын сол кубок орналасқан аймақ жақтан шешіп тастады. Әрине, ойынды көріп отырған адам мұның барлығына кәу болған шығар. Берілген пенельти, бір қателік, — футболшылардың жүйкелеріне әсер етті. Психологиялық сындыру дейді футболда!

«Тобыл» — «Локомотив» 1:2 (0:1)
Голдар: Бугаев 16 (0:1), Кислицын 54 (1:1), Бугаев с пенальти 61 (1:2)
Ескертулер: Азовский 65
«Тобыл»: Петухов, Кислицын (Шептицький 72), Кучера, Лотов (к), Овшинов, Юрин, Волков, Богданов, Куантаев, Сливич (Костюк 46), Гридин
«Локомотив»: Белкин, Нұрдәулетов, Рожков, Гурман, Киров, Шомко (Даутов 85), Карпович (К) (Шахметов 41), Азовский, Жұмаскалиев, Баговац (Қонысбаев 68), Бугаев
Бас төреші: Рақымбаев Айдын (Алматы)
Астана «Астана-Арена».

Хольгер Фах, “Локомотив” командасының бас бапкері:

— “Тобыл” бапкерінің баспасөз маслихатына келмей қалуы футболды сыйламау деп білемін. Біз бүгін жеңіске нағыз лайық ойын көрсеттік. Сондықтан кубокты жеңуіміз заңдылық. Енді ел біріншілігінің алғашқы турына алаңсыз дайындаламыз.

— Карпович-Жұмасқалиев жұбының ойыны үйлесім табады деп ойлайсыз ба? Екінші сауал Сабитовтың баспасөз маслихатына келмеуі не себептен?

— Екі мықты біздің командада. Осының өзі бізге үлкен үмітке жетелейді. Ал Сабитов екеуміздің арамыз дұрыс емес.

Равиль Сабитов, “Тобылдың” бас бапкері:

— Ойынға берер бағам жақсы. Бірінші таймда ойынымыз жүрмеді. Себебі алаң бізге таныс емес еді.

— Ойын төрелігіне қалай баға бересіз?

— Бұл сұрақты маған қоймаңыз.

— Аппеляция жазасыздар ма?

— Жазғаннан не пайда? Моральдық жағынан ойынға көңілім толады.

ПІКІР ҚАЛДЫРУ

*