1994 жылы туған жастар командалары арасындағы Қазақстан біріншілігінің 3-турында астаналықтар көш бастап келеді

Премьер-Лигадағы 1994 жылы туған жастар командалары арасында Өскеменде өткен Қазақстан біріншілігінің 3-турында астаналық  футболшылар көшбасшылық тізгінді өз қолдарында сақтап қалды. Турнир кестесінде қазір 11 ойыннан кейін 27 ұпаймен   «Астана» (Астана) жеке дара көш бастап келе жатыр. Оларды  қоржындарында 25 ұпайы бар «Қайсар» (Қызылорда) мен «Ақтөбе» (Ақтөбен) өкшелеп келе жатыр. Одан кейін «Каспий» (Ақтау) 24 ұпаймен 4-ші, «Тобыл» (Қостанай) 21 ұпаймен 5-ші, «Шахтер» (Қарағанды) 20 ұпаймен 6-шы орында. Ал үздік  сегіздікті  19 ұпаймен «Ертіс» (Павлодар) пен «Тараз» (Тараз) түйіндеп тұр. Жүлделі орындарды сарапқа салатын үздіктердің ақтық кезеңінің басталуына енді 1 тур ғана қалды. Ерлік Ержанұлы