25 жастағы футболшы көз жұмды
Солтүстік Македонияның Кочани қаласында болған жойқын өрт кезінде жергілікті «Шкупи» футбол клубының футболшысы Андрей Лазаров мерт болды.
Андрей түнгі клубтағы жастарды өрттен құтқару кезінде қаза болған. 16 наурызға қараған түні 2:30 шамасында қаладағы түнгі клубта ауқымды өрт болған. Көңіл көтеруге келгендердің бірі ғимарат ішінде пиротехника атып, қызыл жалын бірден лап берген. Демалуға келген жүздеген адам бірін-бірі таптап, салдарынан 59 адам мерт болған еді.
Оқиға орнында болған Андрей Лазаров ғимараттан өзі шығып кетпей, өзгелерге көмектесуді ұйғарған. Футболшы денесінің көп бөлігін күйік шалғанын тек сыртқа шыққанда бір-ақ біліпті. Жедел жәрдем дереу келгенімен, футболшы жансақтау бөлімінде көз жұмды. Осы оқиғаға байланысты Шкупи клубының әлеуметтік желісінде «Оның көзсіз ерлігі біздің жадымызда мәңгілікке сақталады», - деп жазылған.
Біздің серіктес: FONBET