600 мыңнан астам адам Еуро-2012 финалына қатысуға ықылас білдірді

Әлемнің 61 елінен 600 мыңнан астам адам 2012 жылғы футболдан Еуропа чемпионатының финалдық ойынына өтініштерді қабылдаудың алғашқы күнінде-ақ билет алуға өтініш берді, деп хабарлайды УЕФА-ның ресми сайты. Өтініштерді қабылдау футбол қауымдастығының ресми сайтында 2011 жылдың 1 наурызында ашылды, ол енді 31 наурызға дейін жалғаспақ. Трибунадағы орындар мен ойынның маңыздылығына байланысты, бір билеттің құны 30 еуродан, 600 еуроға дейін құрайды. Чемпионатты ұйымдастыру комитетінің дерегі бойынша, 1,4 миллион билеттің 85 пайызға жуығы жанкүйерлерге сатылса, ал қалғандары сыйлы қонақтарға, демеушілерге, УЕФА мен футбол қауымдастығына мүше-елдердің шенеуніктеріне үлестіріледі.