Ресей Премьер-лигасында өнер көрсететін Грозныйдың «Ахмат» футбол клубы жаңа бапкер іздеп жатыр. Ресейлік басылымдардың бірі үміткерлердің қатарында Қазақстан ұлттық құрамасының бас бапкері Станислав Черчесов те бар деп отыр.
Ұлттар лигасында Қазақстан құрамасымен бұрын-соңды болмаған антирекорд орнатқан Станислав Саламұлын қазір ерінбеген адамның бәрі сынап жатыр. Іріктеу кезеңінің 6 ойынында жеңіс түгілі, гол соқпаған қазақстандық футболшылардың сәтсіздігіне Черчесов бірден-бір себепкер.
Бірақ, соған қарамастан шешенстандық клуб егер Станислав Черчесов Қазақстан ұлттық құрамасы бас бапкері қызметінен қуылса, ресейлік маманға ұсыныс жасауға әзір көрінеді. Өйткені, олар бұған дейін де С.Черчесовке шығып, ол бас тартқан. Ал қазір жағдай мүлдем басқа. Сондықтан, осы жолы келісімін беретін шығар?
Грозныйлық клубтың да РПЛ-да жағдайы мәз емес. 15-турдан кейін «Ахмат» 9 ұпай жинап, турнирлік кестеде 16 команданың ішінде 15-орында тұр
Біздің серіктес: FONBET