"Ақсу" Беларусь чемпионатының қорғаушысын алды
26.02.2024, 13:44
ҚПЛ тақалғанда ақсулық команда біраз ауыс-түйіс жасап үлгерді. Кешелі бері бірнеше футболшымен келісімшарт жасаған ұжымның қатары тағы жаңа футболшылармен толығуда.
Енді "Ақсудың" намысын Қазақстан U-21 жастар құрамасының футболшысы Тайыр Нұрсейітов қорғайды. Қарағанды футбол мектебі түлегінің соңғы клубы Беларусь чемпионатының "Энергетик-БГУ" командасы. Сондай-ақ, орталық қорғаушы "Шахтер-Булат" және "Шахтер" командаларында да доп тепкен.