“Ақтөбе” - “Елімай” : “Қызыл-Ақтар” Алматыдағы жеңілістен кейін ес жиып үлгерді ма?

Бас төреші Арман Ісмұратов, қос қаптал көмекшілері Иван Гриценко мен Евгений Филипчук.

Турнирлік тұрғыдан бұл өте маңызды матч. Екі турдан кейін “Ақтөбе” 3 ұпаймен 8-орында, ал “Елімай” 2 ұпаймен 11-орында тұр. Ақтөбеліктер жеңіс пен жеңілістің дәмін татып үлгерді, ал Семейліктер әлі жеңілген жоқ, бірақ жеңіске де жетпеді.  

“Ақтөбе” маусымды өте әсерлі бастады, 1-турда өз алаңында “Тобылды” 4:1 есебімен ұтты. Бірақ 2-турда Алматыда “Қайраттан” 0:1 ұтылып қалды, жалғыз голды Дастан Сәтпаев 76-минутта соқты. Демек бұл команданың бейнесі әзірге екіұшты: бір жағынан, шабуыл әлеуеті өте жоғары. Екінші жағынан, топ клубқа қарсы матчта гол сәттерін соңына дейін айналдыра алмады.  

Қағаз жүзінде “Ақтөбенің” құрамы мықты көрінеді. Командада матч тағдырын бір сәтте өзгерте алатын ойыншылар аз емес.  

“Елімай” 1-турда Көкшетауда “Оқжетпеспен” 1:1 ойнады, Иван Свиридов ерте есеп ашқанымен, кейін Семейліктер жеңісті ұстап тұра алмады. 2-турда “Алтаймен” де 1:1 тең түсті. Рамазан Оразов команданы 10-минутта алға шығарғанымен, 90-минутта гол жіберіп алды. Яғни Карпович командасының басты мәселесі қазір анық көрініп тұр.

“Елімайдың” құрамы да сапасыз емес. Сондықтан бұл командаға тек “тең ойындардың ұжымы” деп қарау қате.

Командалар арасындағы соңғы 6 кездесуде “Ақтөбе” 2, “Елімай” 3 рет жеңіп, бір матчта командалар тең тарқасқан. Былтырғы ҚПЛ матчтарында командалар бір-бірінен басым түсті. 11 мамырда  “Ақтөбе” үйде 1:0 жеңсе, 10 тамызда “Елімай” өз алаңында 2:1 есебімен жауап қайтарды.

“Ақтөбе” әдетте ойынды күшпен, қарқынмен, қысыммен ашуға ыңғайлы команда әсерін береді. Ал “Елімай” керісінше. Сондықтан егер “Ақтөбе” ерте гол соқса, ойын олардың сценарийіне кетеді. Ал егер есеп ұзақ уақыт тең тұрса, бұл “Елімайға” қолайлырақ болуы мүмкін, өйткені олар мұндай жабық ойындарды жақсы алып шыға алады. Бұл — алғашқы екі турдағы нақты нәтижелер сүйенген қорытынды.  

Қорытындыласақ, бұл матчта шағын басымдық “Ақтөбе” тарапында. Бірақ “Елімайды” жеңу оңай болмайды. 

Ең ықтимал есеп — 1:1 немесе “Ақтөбенің” 2:1 есебімен жеңісі.