Aladop.kz-тен “Қайрат” 0:5 “Реал Мадрид” матчына талдау. Ойыннан кейінгі шолу, статистика және негізгі сәттер

"Реалдың" Чемпиондар лигасындағы соңғы нәтижелеріне көз жүгіртсек, олар "Марсельді" 2:1 есебімен ұтып, сенімді ойын өрнегін көрсетіп жүрген болатын. Ал "Қайрат" сырт алаңда "Спортингтен" 1:4 болып жеңіліп, дәл осы ойында да қорғаныстағы әлсіз тұстарын жасыра алмады.

Ойын барысы және "Қайраттың" жағдайы:

"Қайрат” соңғы рет өз алаңында "Селтикті" пенальти сериясында ұтып еді. Бірақ "Реал Мадридпен” болған матч олардың Еуропалық деңгейдегі мықты командаларға қарсы ойнауда әлі де қиналатынын көрсетті. 

Ал "Реал" болса, әрбір мүмкіндікті тиімді пайдаланып, қарсыластың қателігін қалт жібермеді. Әсіресе Килиан Мбаппе үш гол соғып, тағы бір нәтижелі пас бергенімен көзге түсті.

Статистика не дейді?

– Допқа иелік ету: "Қайрат" – 33%, "Реал Мадрид” – 67%

– Бұрыштама: 3–6

– Голға пас: "Қайрат" – 0, "Реал” – 4

– Сары қағаз: "Қайрат" – 2

Цифрлардың өзі-ақ ойын тағдырын ашық көрсетіп тұр. "Реалдың” басымдығы айқын, ал "Қайраттың” қорғаныстағы еңбегі нәтиже бермеді.

Негізгі сәттер:

– 25-минутта Мбаппе пенальтиден есеп ашты. Бұл "Реалға” сенімділік, ал "Қайратқа” қысым үстемелеген сәт болды.

– Екінші таймда Мадридтіктер тағы төрт рет мергендік танытты: 52, 73, 83 және 90-минуттарда.

– Соңғы минуттардағы қос гол "Реалдың" ойынды тоқтатпай, соңына дейін жоғары қарқын ұстағанын көрсетті.

Құрамдар:

"Қайрат" (4-4-2): қақпада – Шерхан Қалмұрза; қорғаныста – Тапалов, Мартынович, Сорокин, Мата; ортада – Мрынский, Арад, Қасабулат, Громыко; шабуылда – Жоржиньо, Дастан Сәтпаев.

"Реал Мадрид” (4-2-3-1): қақпада – Куртуа; қорғаушылар – Асенсио, Хёйсен, Алаба, Фран Гарсия; жартылай қорғаушылар – Себальос, Тчуамени; алдыңғы үштік – Мастантуньо, А. Гүлер, Винисиус; шабуылшы – Мбаппе.

Aladop.kz таңдауы – матчтың үздігі:

Килиан Мбаппе – сөзсіз ойынның басты кейіпкері. Үш гол, бір нәтижелі пас және бірнеше қауіпті шабуыл – оның әлемдік деңгейдегі шеберлігін тағы да дәлелдеді.

Командалардың турнирдегі қазіргі жағдайы:

“Қайрат":

– Жеңіліс: 0-5 "Реалдан" (үйде)

– Жеңіліс: 1-4 "Спортингтен" (сапарда)

"Реал Мадрид":

– Жеңіс: 5-0 "Қайратты" (сапарда)

– Жеңіс: 2-1 "Марсельді” (үйде)

Алдағы ойындары: 

"Қайрат” 21 қазан күні "Пафоспен” кездеседі. Бұл ойын Алматылық команда үшін үлкен сын болмақ, өйткені олар әзірге топта бірде-бір ұпай жинаған жоқ.

"Реал Мадрид" 4 қазан күні Ла Лигада "Вильярреалды” қабылдайды. "Қайратқа" қарсы ірі жеңіс олардың рухын көтеріп, чемпионатта да сенімді ойнауына серпін бермек.