«Ақтөбе» клубының бас бапкері Алексей Бага «Шахтермен» болған матчты (0:3) қорытындылады:
- Әрине, өз алаңымыздағы алғашқы матчты көрерменсіз өткізсек те, бұлай ойнауға болмайды. Ойын мазмұны жағынан да, эмоциялар тұрғысынан да қарсыластан жеңілдік. Қарсылас командаға шабуылда көп мүмкіндік бердік. Біз осы тұста қатты қателестік. Және эмоционалды тұрғыдан жеңіліп қалдық.
Қарсыласқа жаңа бапкердің тағайындалуы әсер еткені анық, дегенмен бұл біз үшін себеп болмауы керек. Тағы да қайталап айтамын: біз ойынның барлық компоненттерінде әлсіз болып көріндік. Мүмкін, бұл өз алаңымызда ойнауды ұзақ күткендіктен болар. Бапкерлер тарапынан қандай-да бір қателіктер болған шығар, бірақ өз алаңымызда бұлай ойнауға болмайды. Бұл жерде ұпай жоғалтпай, гол соғуымыз керек. Ойынға дайындық кезеңінде бізге бірдеңенің жетіспегені анық. Біз қорытынды жасаймыз, қателіктермен жұмыс жасаймыз, жеңісті серияға қайта ораламыз. Мен бүгінгі нәтиже үшін өзімді барлық жауапкершіліктен босатпаймын. Жақсы нәтижелер мен жағымсыз дүниелер спортта әрдайым бірге жүреді. Бұл қалыпты жағдай. Біз жанкүйерлерден кешірім сұраймыз. Және жоғалтқан ұпай мен эмоцияларды қайта қалыпқа келтіру үшін келесі ойынды күтеміз.
«Ақтөбе» ФК баспасөз қызметі.
Біздің серіктес: FONBET