Әлем чемпионаты тарихындағы әйгілі 100 футболшы (60-41)

4 наурыздан, бастап кері санағанда Бразилияда өтетін әлем чемпионатына тура 100 күн қалады. Сіз бен біз сарыла күткен сиқырлы сәтке санаулы ғана уақыт қалған осы ерекше күнде Англияның «The Daily Mail» басылымы әлем чемпионаты тарихындағы әйгілі 100 футболшыны саралап шыққан болатын. Біз сол аңыз ойыншыларды өзіміздің оқырмандарымызға таныстыруды жалғастырамыз… Өткен бірінші, екінші , үшінші сандарымызда 100-61 аралығындағы футболшыларды таныстырғанбыз. Енді соның жалғасын ұсынып отырмыз…60-41-інші орындардағы аңыз ойыншылар бүгінгі санымызда: 60. Роб Ренсенбринк (Голландия) 1974, 1978 Жетпісінші жылдардағы қапталмен шабуылдаудың хас шебері. Голландия командасы қатарынан екі кезек әлем чемпионатының финалына шықты. Ренсенбринк те екі кезек чемпионаттың символдық құрамасына енді. 59. Збигнев Бонек (Полша) 1978, 1982 1982 жылғы чемпионатта Полша командасы қола медалға қол жеткізді. Бонектің бейнесі де керемет болды. Ол сол кездегі Полша командасын өрге сүйреуші ретінде танылды. 58. Роналдиньо (Бразилия) 2002, 2006 Әлемнің болашақ жұлдызы 2002 жылғы әлем чемпионатында жарық етті. Англия командасына соққан әдемі айып добы оның атын бірден шығарды. 57. Габриэль Батистута (Аргентина) 1994, 1998, 2002 Үш мәрте әлем чемпионатына қатысқан Батистута қатарынан екі әлем чемпионатында хет-трик жасаған тұңғыш футболшы. 56. Диди (Бразилия) 1954, 1958, 1962 Ғасырымыз орта тұсынан ауған мезгілдегі Бразилияның үздік ойыншыларының бірі. Сол кездері оның атыПелемен  қатар аталды. 55. Оливер Кан (Германия) 2002, 2006 Ол әлем чемпионатының "алтын добын" алғаш қақпашы(2002 жыл). Сол чемпионатта ол финалға дейін бар болғаны бір голды ғана өткізіп алған болатын. (финалда Бразилиядан 2:0 есебімен ұтылған.) 54. Джузеппе Бершоми (Италия) 1982, 1986, 1990, 1998 Төрт бірдей әлем чемпионатына қатысқан. Әлем чемпионатына қатысу бақыты оған бар болғаны 18 жасында-ақ бұйырған болатын. 53. Зико (Бразилия) 1978, 1982, 1986 Зиконың алған ат-атағынан ат үркеді. Мәселен, Ақ нәсілді Пле! Әлем чемпионатын бағындырмаған доп патшасы! 1982 жылғы чемпионатта ол бастаған Бразилия құрамасы тарихтағы ең мықты құрама атанған болатын. 52. Давид Вилья (Испания) 2006, 2010 Вильяның да үздік ойыншы екенін бәріміз білеміз. 2010 жылы Оңтүстік Африка жеріндігі оның 5 голы "Қызыл империяны" финалға алып шыққан болатын. 51. Джанлуиджи Буффон (Италия) 2002, 2006, 2010 2006 жылы Италияның чемпион атануына сол еңбек сіңірген футболшы. Ол сол чемпионатта бар болғаны екі гол ғана жіберіп алған. 50. Лев Иванович Яшин (Бұрынғы кеңес одағы) 1958, 1962, 1966 1958 жылы КСРО- командасын бастап әлем чемпионатыгның ширек финалына жетті, әрі өзі чемпионаттың символдық құрамасына енді. 1962 жылы оның командасы алдыңғы төттікке кірді. Яшин кейін UEFA-ның тарихтағы символдық құрамасының қатарын толықтырды. 49. Гжегож Лято (Полша) 1974, 1978, 1982 Полша тарихындағы үздік ойыншылардың бірі. 1974 жылғы чемпионатта 7 гол соққан. Жалпы өзі қатсықан үш әлем чемпионатында Лято 10 голді өз еншісіне жазған. 48. Гордон Бэнкс (Англия) 1966, 1970 Бэнкс 1966 жылы әлем чемпионы атанды. Чемпионаттың символдық құрамасына да енді. Алайда, оның ел назарында қалуына әсер еткен уақиға төрт жылдан кейін туылды. 1970 жылғы чемпионатта ол Пеленің баспен бағыттаған пәрменді соққысын қағып шығарды. Міне, осы сәт Бэнксті бүкіл әлемге танытты. 47. Деннис Бергкамп (Голландия) 1994, 1998 "Голландия ханзадасының" 1998 жылғы әлем чемпионатының ширек финалында Аргентина командасына соққан голы әлем чемпионаттарында соғылған ең әдемі голдардың бірі саналады. 46. Руди Феллер (Батыс Германия/Германия) 1986, 1990, 1994 1986 жылғы финалда Фиоллер бір гол соққан болсада Батыс Германия командасы Аргентинадан 2:3 есебімен ұтылып қалды. Алайда, араға төрт жыл салып екі команда тағыда финалда жолығады, бұл жолы Германия құрамасы төрт жылдың алдындағы кеткен есені қайтара білді. есеп 1:0. 45. Даниэль Альберто Пассарелла (Аргентина) 1978, 1982 1978 жылғы әлем чемпионы. Пассарелла мүмкін әлемдегі ең бір шабуылға бейім орталық қорғаушы болуы мүмкін. Олай дейтініміз, әлем чемпионатында 12 рет алаңға шыққан ол 3 гол соққан екен. Орталық қорғаушы үшін жоғары көрсеткіш деуге болады бұны. 44. Карл-Хайнц Румменигге (Батыс Германия) 1978, 1982, 1986 Үш әлем чемпионатына қатысқан Румменигге 9 гол соққан. Оның ең керемет өнер көрсеткен әлем чемпионаты 1982 жылы болды. Сол чемпионатта ол 5 гол соғып, "күміс кебісті" алды. (екінші үздік сұрмерген) 43. Роже Милла (Камерон) 1982, 1990, 1994 1990 жылы 38 жасқа келген егде футболшы сол кезекті чемпионаттың көрігін қыздырды, гол да соқты. Ол әлемді таңғалдыруын осымен аяқтаған жоқ. Төрт жылдан кейін 42 жастағы Милла ел президентінің ерекше ұсынысымен АҚШ жеріндегі әлем чемпионатына тағы қатысты. 42. Ференц Пушкаш (Венгрия/Испания) 1954, 1962 Әлем чемпионаттарына екі ел атынан қатысқан. 1954 жылы өз елі Венгрия құрамасын бастап финалға дейін жетті. Финалда голды да соқты. Өкініштісі, оның командасы Батыс Германияға жол берді. 41. Пауль Брайтнер (Батыс Германия) 1974, 1982 Осы бір солақай футболшы екі мәрте әлем чемпионатына қатысып, екеуінде де финалға жетті. Екі чемпионатта да гол соқты. UTFA- ның тарихтағы символдық құрамасына енген.

Жалғасы бар...

Қуанышхан ӨМІРХАН