“Андижан” клубы Максим Шацкихпен қоштасты

47 жастағы Максим мансабын Қырғызстанда жалғастырады деп күтілуде. Неге десеңіздер, айыр қалпақты ағайындардың елінде Премьерге жаңадан 4 команда қосылды. Олар қазіргі уақытта Орта Азиялық мамандарды қарастырып жатыр. 

Шацкихтің осы маусымдағы тірлігі өнімді болмады. Команда чемпионатта төмен нәтиже көрсетуде. Одан тағысы Азия Чемпиондар Лигасында өткізген 4 ойында да жеңіске жете алмады. Команданың плей-офф кезеңіне шығу мүмкіндігі төмен деп айтуға болады. 

Айтпақшы, 2009-2010 жылдары өзбек шабуылшысы сол кездегі “Локомотив” Астанада доп тепті. Ол 15 матчта ішкі чемпионатта 8 гол соқты. Кейін оны украиналық “Арсенал” өз сапына қосып алды. 

Айта кетейік, жақын аралықта “Андижанды” Максимнің орнына Тимур Кападзе басқаруы мүмкін. Өзбекстан құрамасынан кеткен маман бүгінгі таңда жұмыссыз жүр.