"Астананың" бас бапкері Андрей Тихонов КуПС-пен өткен матчтың нәтижесі туралы пікір білдірді.
- Сіз бұл нәтижені үлкен апат деп атай аласыз ба?
- Мен үшін, иә, және клуб үшін алаңдайтын барлық адамдар да, жанкүйерлер де солай ойлайтын шығар. Кейбір басылымдар үшін "Астананы" үнемі жамандаған көңілді болып көрінеді.
- Өте ауыр нәтиже. Жеңілістің себебі неде? Мүмкін команда босаңсып қалған шығар?
- Команда босаңсымады. Біз гол соғамыз және көп өтпей гол жіберіп аламыз, мұнда психологиялық мәселе болды. Финдердің жоғалтатын ештеңесі жоқ, олар тек шабуылға шықты. Стандарттық жағдайларда бұрын-соңды мұндай мәселелердің болғаны есімде жоқ. Абзалды бір сәтте итеріп жіберді, бір жерде тайғақ алаң әсер етті. Төрт гол соғып, жеңбеу - жаман және ұят нәрсе. Бірақ мен қайталап айтамын, біз мұны бірге жасадық және мен ешкімді кінәламаймын - бәрі тырысты, шайқасты. Бірақ кейде сіздің қақпаңызға болмашы голдар кіріп кетеді. КуПС іс жүзінде ойыннан ештеңе жасамады. Біздің командада Эбонгтың тепкен тобы қақпа маңдайшасына тиді, Бечирай баспен гол соға алмады. Өкінішті-ақ, бәрі біздің қолымызда еді.
- Мүмкіндіктерді пайдаланбау "Астананың" сенімін жоғалтты ма? Мысалы, Фатос Бечирай өз мүмкіндігінде гол соға алмады.
- Егер шабуылшы қақпашымен бірге-бір шықса, онда ол гол соғуы керек деп ойлайсың. Бірақ жақсы ойнаған қақпашы да бар. Эбонгтың добы маңдайшаға тиді. Қайталап айтамын, біздің қақпамызға басқа матчтарда соғылмайтын голдар еніп кетті. Мен бұл сұраққа қалай жауап беремін? Біз мүмкіндіктер бола тұра, гол соқпадық, ал олар мүмкіндік жасамай-ақ, гол соқты. Бұл қалай түсіндіріледі? Доп Абзалдың басына тиіп, өз қақпамызға кірді ме? Немесе он бір метрлік нүктеден қарапайым пас асырылады, ал Дима Непогодов қол қусырып қарап тұрды ма? Мұны қалай түсіндіруге болады? Менің ойымша, сіздердің ешқайсыларыңыз мұны түсіндіре алмайсыздар. Бейсебековті итеріп жіберген болуы мүмкін. Неге екені белгісіз, біз мұндай гол соға алмаймыз. Бұл үшін ешқандай түсініктеме жоқ. Егер олар жақсы ойнап, гол соғатын болса, онда мұндай сәттерді түсіндіруге болады.
- Үзіліс кезінде командаға не айттыңыз?
- Артық ештеңе жоқ: дәл осылай ойнауды жалғастырыңдар дедім. Есеп 2:0 болды, біз үшін ыңғайлы есеп еді. Бірақ біз өте тез және стандартты жағдайдан гол жіберіп алдық. Мүмкін, жігіттерге ойыншылардың алмасуы әсер еткен шығар. Исламбекте сары қағаз болды және есеп 3:1 еді. Мүмкін мен асығыс шешім қабылдаған шығармын. Барлығы қателеседі, бірақ есеп 3:1 болғанда, біз олай ойнамауымыз керек, концентрацияны жоғалтпауымыз қажет. Мүмкін олар допқа жақсы иелік ететін шығар, бір жерде біз қателескен болармыз. Мүмкін, жылдам гол соғылғаннан кейін шабуылға мән бермеген шығармыз. Осыдан кейін біз қорғаныс туралы көбірек ойлана бастадық және ойынның тізгінін уысымыздан шығарып алдық.
- Эуженио алаңға неге кеш шықты?
- Шындығында, Педро - қапталда ойнайтын жартылай қорғаушы және ол бүгінгі матчта өз позициясында ойнаған жоқ. Томасов пен Барсегян қапталда жақсы көрінді. Мүмкін, мен оны кеш шығарып, қалған екеуін ерте ауыстырған шығармын. Қуатта сары қағаз болды, ал Абат шаршап қалды. Бірақ бәріміз кінәліміз. Көп шабуылдап, әдемі голдар соқтық, бірақ жеңіліп қалғанымыз өкінішті, біз бұған лайық болмадық.
- Ойын алдында көңіл-күйіңіз жақсы болды ма?
- Иә, жақсы болды. Мен бұған дейін бізде мұндай қателіктер болмағанын айта кетейін. Сіз олардың болатынын күтпейсіз. Жігіттердің гол соғатынына, бізде жақсы мүмкіндіктер болатынына сенімді болдым. Сенім болды, бірақ маусым бойы бізде қазіргідей қателіктер болған жоқ. Жігіттер сенімді болды, бірақ жағдай мүлдем басқаша өрбіді.
- Мұндай ауыр жеңілістен кейін ойыншылардың мотивациясын қалай сақтап қалуға болады? Себебі алда кубок пен чемпионаттағы матчтар бар.
- Осы аптада біз негізгі құраммен Ақтөбеге ұшамыз және ойнаймыз. Бізді өзімізден басқа ешкім жеңе алмайды. Әрине, бізге қиын. Біз қай қалаға келсек те, бізге жанкүйерлер қарсы тұрады, ал біздің стадионға жанкүйерлерді кіргізбейді, бізді ешкім қолдамайды. Иә, сіз қалаған адамды кінәлай аласыз: төрешіні немесе жанкүйерлердің жоқтығын. Сіз кінәні кез келген адамға жүктей аласыз, бірақ біз өзіміз кінәліміз. Команданың рухын көтеріп, алға қарай жүруіміз керек. Біз Қазақстан Кубогінде әлі топтан шыққан жоқпыз және бізге жеңіс қажет, сондықтан негізгі құраммен ойнаймыз.
- Бұл сіздің бапкерлік мансабыңыздағы ең өкінішті жеңіліс пе?
- Бұл күтпеген жерден келген жеңіліс деп айтар едім. Мен түсінемін, бұл екі команда тең ойнағанда және олардың біреуі соңғы секундтарда гол жіберсе, өкіншті жеңіліс болар еді. Біз гол саламыз - жібереміз, гол саламыз - жібереміз ... Осы тұста командаға концентрация жетіспеді.
- Матч аяқталған соң командамен сөйлесе алдыңыз ба?
- Біз жігіттермен сөйлестік. Менің сөздерім оларға жетті деп ойлаймын. Мен оларға ертеңіне Ақтөбеге кететінімізді айттым. Егер біз келесі кезеңге өтсек, онда бұл ойын кейінге шегерілетін еді. Біз кешегі ойын жайлы сөйлесеміз. Біз жасайтын және жүзеге асыратын мүмкіндіктерді ескерсек, жеңіске жетуге болады. Бүгінгі болған қателіктер команда үшін және жанкүйерлер үшін психологиялық сынақ болып табылады, бірақ біз мұны артта қалдырып, әрі қарай жүруіміз керек.
Біздің серіктес: FONBET