«Астананың» бұрынғы бапкері Андрей Тихонов елордалық клубтан кеткеннен кейінгі болашағы туралы пікір білдірді, деп хабарлайды Спорт-Экспресс басылымы.
«Мен қазір демаламын, әрине Жаңа жылға дейін. Бірақ қазірдің өзінде жұмыс іздеп жүрмін. Жаңа жылдан кейін әлдеқайда белсенді жұмыс істейтін боламын. Ресей Премьер-лигасының клубынан ұсыныс түссе, мен оны міндетті түрде қарастырамын», - деді Тихонов.
Еске салайық, қазан айының соңында Қазақстан футбол федерациясы Премьер-лиганың 25-ші турында «Қайратқа» қарсы өткен ойында (0:1) жаттықтырушы команданы алаңнан алып кеткені үшін Тихоновты екі жылға дисквалификациялаған болатын. Қараша айының басында ол бас бапкер қызметінен кетті.
Біздің серіктес: FONBET