Англия 2026 жылғы әлем чемпионатына жолдама алды
Англия құрамасы 2026 жылғы футболдан әлем чемпионатына қатысу құқығын ресми түрде қамтамасыз етті. Томас Тухель жаттықтыратын команда сейсенбі күні өткен іріктеу матчы аясында Латвияны 5:0 есебімен тас-талқан етті.
Бұл кездесуге Aғылшындар нақты мақсатпен шықты – үш ұпай жинаса, әлем чемпионатына жолдама қолда. Сол жоспар тамаша жүзеге асты. Энтони Гордон, Харри Кейн және Эберечи Эзелердің голдары командаға ірі жеңіс сыйлады.
Бұл жеңіс Англияның іріктеу кезеңіндегі алтыншы ойыны және алтыншы жеңісі болды. Олар өз тобы – K тобының үздіксіз көшбасшысы ғана емес, әлі бірде-бір гол жібермеген жалғыз команда ретінде ерекшеленіп отыр.
Матчтан кейін бас бапкер Томас Тухель ойыншылардың еңбегін жоғары бағалап, қуанышын жасырмады:
"Тамаша! Киім ауыстыратын бөлмеде керемет көңіл-күй. Американы армандадық, енді сол арманға жеттік. Команда тағы бір мінсіз ойын көрсетіп, лайықты нәтиже алды. Бәріміз өте қуаныштымыз." – деді ол ITV арнасына берген сұхбатында.
Тухель Англияның ойын стилін де сипаттады:
"Біз матчтарда үстемдік етеміз, қарқынды, аш ойын өрнегін көрсетеміз. Қарсылас аймағында көп доп қағып алып, жоғары прессингпен ойнаймыз. Бұл командалық тәртіп пен физикалық дайындықты талап ететін футбол. Әр ойыншы осы идеяға сеніп, өз үлесін қосып жүр. Сондықтан олармен жұмыс істеу — нағыз ғанибет." – деді ол.
Сондай-ақ Тухель алдағы жоспар туралы қысқаша пікір білдірді:
"Қадам сайын алға жылжып келеміз. Бұл тек бастамасы." – деп түйіндеді ол.
Біздің серіктес: FONBET