Аты тарихта қалған, ұмытылмас футбол ардагерлерінің бірі - Роналдо Луис Де Лима 1976 жылдың 18 қыркүйгінде Бразилияның Рио-де-Жанейро қаласында дүниеге келген. Лақап аты "Өзге ғаламшарлық" деп аталып кеткен аңыз ойыншы өзінің таңқаларлық ойынымен футбол жанкүйерлерінің мәңгі есінде қалмақ, атап айтсақ 1996, 1997 және 2002 жылдары үш дүркін "әлемнің үздік ойыншысы", 1998 жылы "Әлем чемпионатының ең үздік ойыншысы", 2002 жылы "Әлем чемпионатының Алтын доп иегері" және де мансабының соңына қарай өзінің туып-өскен жері, яғни Бразилияның "Аңызға айналған супер жұлдызы" сыйлығымен марапатталған болатын.
Өте кедей отбасынан шыққан Роналдо әрдайым өз замандастарына мазақ болып, өте қорқақ бала болып ержетті. Бірақ футболға деген махаббаты өзгеше еді, 1984 жылы тағдырдың айдауымен алғаш жасөспірдерге арналған "Vaclole tennis club" футзал командасына келіп қосылады, футзалға келуінің бірден-бір себебі бұл клубта салық пен оқу ақысын төлемей футболмен еркін шұғылдануға мүмкіндік алатын. Ол бұл жерде тәртіппен ұйымшылдықты үйреніп, 1988 жылы 11 жасында "Рио де Жанейро" футзал федерациясының ресми спортшысы болып тіркеліп, футбол мансабындағы алғашқы қадамын жасады.
1989 жылы Роналдо Бразилияның алпауыт клубы "Фламенгоға" таңдалған болатын, бірақ Роналдоның жанұясының жағдайы нәшар болғандықтан оқу ақысын төлей алмай, футболдан уақытша бас тартуға мәжбүр болады, бес айдан кейін Роналдо Бразилияның "Рамос" командасына қосылды, бұл оның алғашқы ресми командасы еді.
1990 жылы 14 жасар Роналдо Бразилияның екінші деңгейлі "Крузейро" командасына қосылды. Роналдо өзінің ерекше спорттық талантымен және керемет футбол шеберлігімен тез арада Бразилия футболының жаңа жұлдызына айнала бастады. "Крузейрода" болған кезінде 60 ойында 58 гол соқты. 1993 жылы Крузейро Роналдоның 55% меншігін сатып алу үшін 50 000 доллар жұмсады.
1993-94 жылғы маусымда "Крузейроның" негізгі құрамына енген Роналдо команда атынан 44 рет алаңға шығып, барлығы 44 гол соқты.
1994 жылдан бастап Еуропадағы саяхаты басталады, алғаш оның ойынына тәнті болған әрі өзіне қосқан Голландиялық "ПСВ Эйндховен" командасы еді, ол жерде жасындай жарқылдап біраз алпауыт командалардың көзіне түскен Роналдо "Интер", "Милан", "Барселона" және "Реал Мадрид" сынды командаларда ойнап, өз есімін тарихқа қалдырды.
Орта жастағы талай футбол жанкүйерлерінің футболға деген аңсарын аудартқан, балалық шақта орын алған тәтті естеліктердің кейіпкері Роналдоның жасыл алаңдағы ойындары есімізден кетпесі анық.
Заңғар Болатұлы
Біздің серіктес: FONBET