Футболдан Қазақстан чемпионатының 23-ші туры аясында «Ақтөбе» елордалық «Астанаға» 0:1 есебімен жол берді.
«Ақтөбе» алаңында өткен ойынның алғашқы таймы тартысқа толы болып, екі команда гол соға алмады. Қонақтар жиі шабуыл жасағанымен нәтиже шыға алмады.
Ал, матчтың екінші таймында қос клуб жылдамдықты үдетті. Алайда гол ойынның тек 81-ші минутында соғылды. Оның авторы Астана» командасының жартылай қорғаушысы Рохер Каньяс. Матч соңында «Ақтөбе» қанша шабуылдағанымен есеп 0:1 болып қалды.
Енді «Астана» 25 ұпай жинап, чемпионатта көш бастады. Ал, 22 ұпайы бар «Ақтөбе» әзірге 3-ші орында.