Гвинея ұлттық құрамасының қорғаушысы Секу Конде мен ресейлік жартылай қорғаушы Евгений Козлов "Ақтөбенің" орналасқан жерінен кетіп қалды, деп хабарлайды клубтың баспасөз қызметі.
Гвинея құрамасының 27 жастағы қорғаушысы Секу Конде соңғы екі маусым бойы франциялық "Шатору" клубында ойнады. Одан бөлек, Украина мен Израильде де доп тепкен.
Евгений Козлов - "Зенит" клубының түлегі. Ол сонымен қатар Ресейдің "Витязь", "Волга", "Динамо-СПб", Финляндияның "Лахти", Беларуссияның "Шахтер-Солигорск", сондай-ақ Латвияның "Спартак Юрмала" және "Вентспилс" командаларында ойнаған. Латвия чемпионатының соңғы маусымында 26 матч өткізіп, 11 гол соқты, 3 нәтижелі пас берді. Екі ойыншы да "Ақтөбе" сапында екі жолдастық кездесу өткізді, бірақ келісімшартқа отырған жоқ.
Біздің серіктес: FONBET