"Ақтөбе" футбол клубының спорттық директоры Асхат Қалжанов өз еркімен қызметінен кетті. Ол аталған қызметке ағымдағы жылдың сәуір айында тағайындалған еді.
Асхат Сағитжанұлы осыған дейін "Ақтөбе" ФК-да медиа-офицер, жанкүйерлермен жұмыс жөніндегі қызметкер, футбол орталығының менеджері ретінде еңбек еткен болатын. 2015 жылдың қаңтар айында Ақтөбе футбол федерациясының бас хатшысы болып сайланып, 2020 жылдың қаңтар айынан бастап осы ұйымның вице-президенті болған. 2020 жылдың наурыз айынан бастап, осы ұйымның президенті ретінде еңбек етті. Сондай-ақ 2021 жылдың қаңтар айында Ақтөбе қалалық мәслихатының депутаты болып сайланды.
«Ақтөбе» футбол клубының баспасөз қызметі
Біздің серіктес: FONBET