«Ақжайық» футбол клубы македониялық қорғаушы Амир Билалимен келісім-шартқа отырғанын хабарлады.
28 жастағы футболшы оралдық клубта 94-ші нөмірмен өнер көрсетпек.
Билали - италиялық «Кремонезаның» түлегі. Футболшы «Лационың» жастар құрамасында да доп тепкен. Одан кейін словениялық «Целе», албаниялық «Бюлис», «Теута», «Партизани», македониялық «Работничка» және «Шкупи», сондай-ақ Румынияның «Академик Клинчени» клубтарында өнер көрсетті.
Қорғаушының соңғы командасы «Мезёкёвешд» болды. Ол венгриялық клубта биылғы жылдың қаңтарынан шілдесіне дейін ойнады.
Біздің серіктес: FONBET