"Арсеналдың" бұрынғы жаттықтырушысы Арсен Венгер "Тоттенхэм" клубының бапкері Жозе Моуриньоға жауап берді. Бұған дейін португалиялық маман Венгердің өмірбаяны туралы жазған кітабында өзі туралы айтылмағаны туралы пікір білдірген болатын. Моуриньоның айтуынша, бұл Венгер "Челсиді" ешқашан жеңбегендіктен орын алған.
Жозе Моуриньо:
"Себебі ол мені ешқашан жеңе алмады. Сіз ешқашан жеңіссіз 14 ойын туралы жазғыңыз келмейді, сондықтан ол неге мен туралы жазуы керек? Кітап сізді бақытты және мақтан тұту үшін қажет, сондықтан мен жағдайды өте жақсы түсінемін".
Арсен Венгер:
"Моуринью менің кітабымда жоқ екендігі туралы не айтты? Бұл мені мазаламайды. Ол үнемі арандатушылықпен айналысады. Мен онымен бірге өзімді балабақшада жүргендей сезінемін. Бірақ бұл оның мінезінің бір бөлігі. Жозе қателеседі, біз оны жеңдік, сонымен қатар көптеген тең ойындар болды. Жеңетін сен емес, сен тек жеңіске жетуге өз үлесіңді қосасың. Жеңіске команда жетеді. Бапкер команданың мүмкіндіктерін барынша пайдалану үшін қажет".
Венгер "Арсеналды" 1996-2018 жылдар аралығында жаттықтырды. Оның басшылығымен зеңбірекшілер үш рет Англия чемпионы атанды.
Біздің серіктес: FONBET