Meta-ratings.kz сайтына белгілі болғандай, шабуылдаушы жартылай қорғаушы Асланбек Кәкімов "Ордабасы" клубына ауысуға жақын.
27 жастағы Кәкімов "Ордабасының" жаңа бапкері Александр Седневке ұсынылды. Беларуссиялық маман жартылай қорғаушының мүмкіндіктерін жақсы біледі. 2019 жылғы маусымда Седневтің басшылығымен Асланбек өзінің мансабындағы ең жақсы маусымды өткізді. Сол жылы Кәкімов 33 ойында 4 гол соғып, 10 нәтижелі пас берген.
Шымкенттік клубтың басшылығы жартылай қорғаушының кандидатурасы туралы шешімді жақын арада қабылдайтын болады. Чемпионаттың дебютанты "Арыс" клубы да Кәкімовке қызығушылық танытып отыр. Түркістандық клуб ойыншының агентімен келіссөздер жүргізіп жатыр.
Кәкімов өткен маусымды Қарағандыдың "Шахтерінде" өткізді. Премьер-лигада небәрі 5 матчқа қатысты.
Біздің серіктес: FONBET