«Астана» - «Челси» кездесуінің қандай есеппен аяқталатыны айтылды

Бұл бәсеке кешкі 20:30-да басталады. Ойын Алматының «Орталық» алаңында өтеді.

«Астана» Қазақстан біріншілігін ұту үшін еурокубоктерді құрбан етті. Бірақ қазір Григорий Бабаянның командасының аяғына тұсау болатын ештеңе жоқ. Негізгі мақсат-міндетін орындауда ешқандай кедергі тұрмайды, ұпайдан шашау шығаруға болмайды. Қарсыластың атынан ат үркісе де «Челсимен» кездесу бұл үшін жақсы мүмкіндік, себебі матч Алматыда болады. Ал «Астана» биылғы еурокубокте Алматыда ешкімнен ұтылып көрмеген. Бұған ойынның соңғы секундтарында жеңілістен аман қалған португалияның «Виториясы» куә.

«Челси» екінші құрамымен еуропаның түрлі қалаларындағы төрт жеңісінің арқасында 1/8 финалға бір аяғымен шығып қойған. Алайда, осыншалық қашық әрі аязды ауа-райында лондондықтар әлі доп теуіп көрген жоқ. Негізгі орындаушылары Қазақстанға бармады, ал Энцо Мареска бұл ойынға жастар командасынан көп футболшыны апарды. Жас футболшылардың ойын басымдығына иеленетін қауқары жетеді, бірақ ерекше мотивациялы «Астана» ұпай алу мүмкіндігін тиімді пайдаланып кетеді. Тең нәтижені топшылаймыз. Болжам: 1:1», - делінген Soccer365.ru сайтының жазбасында.

Айта кетейік, Григорий Бабаянның командасы әзірге УЕФА Конференциялар Лигасының негізгі кезеңінде төрт турдан кейін 4 ұпаймен 23-орында келеді. Ал лондондық клуб турнирлік кестенің көшін бастауда.