"Астана" командасына тиесілі болған Срджан Граховац "Рапид" командасымен келісімге келді. Аустрияның клубы босниялық жартылай қорғаушыны қайтадан өз сапына қосты. Граховац "Астана" сапында ел чемпионы атанып, 36 ойында, 8 гол соққан еді. Кейіннен бапкерлер оны хорватияның "Риека" клубына жалға берді. Ал осы жақында Срджан "Астанамен" келісімін үзіп, Венаның "Рапид" клубына қайта ауысты. Ол бұрын осы клубта өнер көрсетіп жүрген кезде елордалық ұжым оны 800 мың еуроға сатып алған болатын.