Елордалық "Астана" клубының шабуылшысы Тигран Барсегян жақын арада командадан кетеді, деп хабарлайды Vesti.kz.
27 жастағы футболшы Еуропа чемпионатында өз бағын сынап көргісі келеді. Одан бөлек, Барсегян "Астанада" жалақының кешіктіріліп жатқанына да наразы екен. Жақында берген сұхбатында ойыншы Қазақстаннан кеткісі келетінін айтқан болатын.
Ал елордалық клуб жартылай қорғаушыны сатып, оның трансфері арқылы ақша табуды жоспарлап отыр.
Премьер-лиганың ағымдағы маусымда Барсегян "Астана" сапында бес матч өткізіп, бір гол соқты. Жартылай қорғаушы үнемі Армения құрамасына шақыртылады, ұлттық құрама сапында 37 матч өткізіп, 8 гол соқты.
Біздің серіктес: FONBET