“Астананың” жұмбақ шығыны. 1,3 млрд теңге қайда кеткен? Табыс аз, миллиардтаған шығын көп….
Қазақстандағы ең атақты әрі ең титулды клубтардың бірі саналатын "Астана" заң жүзінде жеке мекеме ретінде тіркелген. Ол Астана қаласының Әділет департаментінде ресми тіркеліп, жалғыз құрылтайшысы "Туризм мен спорт индустриясын қолдау қоры" корпоративтік қоры болып табылады. Бұл қордың артында "Қазспортинвест АҚ" пен Қазақстан Республикасының Ұлттық Олимпиадалық комитеті секілді ірі құрылымдар тұр.
Кірістер:
"Астананың” 2022 жылғы ресми қаржылық есебі бойынша клуб мынадай табыс көздерінен қаржы түсірген (sports.kz, fcastana.kz):
– UEFA-дан сыйақы және үлес – 362 423 000 теңге (815 мың доллар)
– Жарнама мен демеушілік – 202 712 000 теңге (456 мың доллар)
– Ойыншыларды сату және жалға беру – 141 300 000 теңге (318 мың доллар)
– Билет сатылымы – 11 629 000 теңге (26 мың доллар)
Жалпы кірістердің көлемі шамамен 1 миллиард теңгеге жуық.
Шығындар:
Клубтың негізгі шығындары мен баланс көрсеткіштері:
– Таза активтер – 249 314 000 теңге (561 мың доллар)
– Негізгі құралдар – 144 081 000 теңге (257 мың доллар)
– Амортизациялық шығындар – 184 240 000 теңге (414 мың доллар)
Алайда, ең көп көзге түсетін бап "басқа арнайы шығындар". Бұл көрсеткіш 2022 жылы 1 289 686 000 теңгені құраған. Бұл шамамен 2,9 миллион доллар.
"Астана" Қазақстан футболындағы ең беделді әрі табысты клубтардың бірі. Дегенмен қаржылық есептер көрсеткендей, клубтың шығындары, әсіресе "басқа арнайы шығындар" бөлімі кірістерден әлдеқайда көп болып отыр.
Бұл факт клубтың қаржылық саясатына қатысты ашықтық пен тиімділік мәселесін қайтадан күн тәртібіне шығарады.
Біздің серіктес: FONBET