“Атырау” тиынға бағалануда - Батыстың бас клубы неге соншалықты арзандап кетті?
"Атырау" клубы тағы да саудаға шығарылды, деп хабарлайды Aladop.kz.
Бір өкініштісі, клубтың құны көз ілеспес жылдамдықпен төмендеп барады. Небәрі екі айдың ішінде баға үш еседен астам арзандаған.
"Мұнайшылар" клубын жекеменшікке өткізу әрекеттері сәтсіздікпен аяқталып жатқан сияқты. Match KZ мәліметтеріне сүйенсек, бағаның өзгеру динамикасы мынадай:
– Ақпан айы: Клубты 250,8 млн теңгеге сатпақ болды.
– Наурыздың басы: Баға 175,5 млн теңгеге дейін түсті.
– Наурыздың соңы: Құны 125,4 млн теңгеге тұрақтады.
– Қазіргі сәт: Клуб небәрі 75 242 400 теңгеге бағаланып отыр.
75 миллион теңге — бұл қазіргі нарықта Алматы немесе Астана қаласындағы орташа пәтердің құнымен тең. Көптеген тарихы бар, өз академиясы мен инфрақұрылымы бар кәсіби клубтың мұндай сомаға бағалануы футбол қауымдастығында үлкен сұрақ туғызып отыр.
Сауда-саттық бағасының осынша төмендеуі инвесторлардың клубқа деген қызығушылығының төмендігін немесе клубтың мойнындағы ішкі қарыздар мен міндеттемелердің ауырлығын көрсетуі мүмкін.
Біздің серіктес: FONBET