Атырауда УЕФА IV санатына сай футбол стадионы салынуда
Атырау облысының әкімдігі мәліметінше, спорт нысанының дайындығы қазіргі таңда 10–15 пайызды құрайды, деп хабарлайды Aladop.kz.
Стадион «Аламан» базарына жақын жерде, «Атырау-2» шағын ауданында тұрғызылып жатыр. Құрылыс алаңының көлемі — шамамен 10 гектар. Бас мердігер — «Aspan Holdings» ЖШС, техникалық қадағалауды «Строй Проф» ЖШС жүзеге асырады, жобалау ұйымы — «Engineering Center Ltd» ЖШС.
Трибуналар 12 000 көрерменге есептелген: батыс — 3281, шығыс — 2837, солтүстік — 2878, оңтүстік — 2878 орын. Мүгедек арбасындағы адамдарға — 194, қозғалысы шектеулі жандарға — 92, VIP аймақтарда — 92 орын қарастырылған. Сондай-ақ 600 автотұрақ орны жоспарланған.
Стадион үш қабатты болып салынады. Бірінші деңгейде коммерциялық үй-жайлар, сондай-ақ спортшылар мен команда мүшелеріне, қызмет көрсетуші персонал мен БАҚ өкілдеріне арналған аймақтар орналасады. Екінші деңгейде — дене шынықтыру бөлмелері мен жұмыс кеңістігі, үшінші деңгейде — VIP-лож және әкімшілік алаңдар. Заманауи кешенде бокс, күрес, йога, велоспорт, теннис және басқа да спорт түрлерімен айналысуға арналған арнайы бөлмелер ашылады. Стадион UEFA IV санатына сай болады, бұл онда халықаралық жарыстар өткізуге мүмкіндік береді.
Жеңіл атлетика жолақтары қарастырылмаған. Футбол алаңының үш жағынан жылжымалы LED-тақталар орнатылады. Трибуна көлеңкесінің ең биік нүктедегі биіктігі 28 метрді құрайды. Стадионды регби сияқты басқа да спорттық іс-шараларды өткізу үшін пайдалануға болады.
Жобаланып жатқан алаңның аумағы қоршаған орта мен адам денсаулығына әсер ететін объектілердің санитарлық-қорғаныш аймақтары мен санитарлық қашықтықтарына кірмейді. 300 метр радиуста өнеркәсіптік кәсіпорындар, қоймалар және автожанармай құю станциялары жоқ.
Жоба бойынша футбол алаңының мөлшері 105×68 метр болады. Жабыны — синтетикалық «iQ3 Duo 60-10.5». Бұл Desso Sports Systems (Англия) әйгілі еуропалық брендінің үшінші буын (3G) кәсіби жасанды газонының үлгісі. Бұл жабын түрі бүкіл әлемде футбол және регби алаңдарын, оның ішінде FIFA сертификатталған алаңдарды жабдықтауда белсенді қолданылады. Толық көлемді алаңды «кілт бойынша» төсеудің орташа құны 250 000–430 000 АҚШ долларын құрайды.
Құрылыстың алдын ала құны 45,774 млрд теңгені (бағам бойынша — 100,6 млн доллар) құрайды. Құрылыс жергілікті бюджет қаражаты есебінен жүргізіліп жатыр.
2027 жылдың соңы. Қазіргі уақытта темір-бетон конструкцияларын тұрғызу жұмыстары жүргізілуде. Құрылыс аяқталғаннан кейін футбол алаңы «Atyrau Stadium» атауын алады.
Біздің серіктес: FONBET