Аустриялық футболшы: Қазақстан аутсайдер саналғанмен, мықты команда
«Тараз» командасының бұрынғы шабуылшысы Нильс Цатль Аустрия мен Қазақстан арасындағы ойын туралы айтты.
Айта кетейік, Ұлттар Лигасының үшінші туры аясында Қазақстан құрамасы сырт алаңда Аустриямен жолығады. Бұл бәске 10-қазанда өтеді.
«Бұл Аустрия үшін де қызық ойын. Қазақстан аутсайдер саналғанмен, мықты команда. Ал Аустрия Рангник тізгіндегелі үздіктердің қатарына кірді. Сондықтан, әрине, олар бұл бәсекені бірінші минуттардан-ақ ұту үшін бәрін салады», - деді «Тараздың» бұрынғы футболшысы.
Естеріңізде болса, Қазақстан Ұлттар Лигасындағы екі турдан кейін бір ұпаймен Словения, Норвегия мен Аустриядан кейін ең соңғы орында тұр. Линцтегі ойыннан кейін отандастарымыз 13-қазанда Словениямен жолығады. Бұл бәсеке Алматыда өтеді.
Біздің серіктес: FONBET