Бақтиер Ресейге бармайды
02.06.2024, 21:05
Агент Евгений Новиков Бақтиер Зайнутдиновтың Ресей чемпионатына оралуына байланысты қойылған сауалға жауап берді.
Агент Зайнутдиновке “Локомотив” ұжымы тарапынан ешқандай ұсыныс болмағанын алға тартты.
- Локомотивтен бізге ешкім хабарласқан жоқ. Басқа клубтардан қызығушылық бар. Алайда теміржолшылар Бақтиерды қатарына қосады дегенді алғаш рет естуім.
- Зайнутдинов жақын аралықта Ресейге қайтып орала ма?
- Бақтиер Ресейге қайтып оралмайды.
Еске салайық, 26 жастағы жартылай қорғаушы 2020 жылдан 2023 жылға дейін мәскеулік ЦСКА командасының намысын қорғауды. Ресейлік ұжымда 64 ойын өткізген Бақтиер содан кейін ыстамбұлдық “Бешикташқа” ауысты.
Айта кетейік, “Локомотив” тарапынан Максим Самородовқада қызығушылық бар деген ақпарат бар. Алайда әліптің артын бағайық.