«Барселона» Лионель Месси кеткен жағдайда 28 жастағы «Ливерпульдің» шабуылшысы Садио Манені аргентиналықтың орнына шақырмақшы. Бұл туралы Sport.es хабарлайды.
Маненің каталондық клубқа ауысуға қарсы еместігі атап өтілді. «Ливерпуль» өз ойыншысы үшін шамамен 120 миллион еуро аламыз деп үміттенеді.
Айта кетейік, 33 жастағы Месси "Барселонадан" кеткісі келетінін мәлімдеген болатын. Сонымен қатар, «Барселона» президенті Хосеп Мария Бартомеу жұлдызды ойыншыны командада қалдыру үшін бәрін жасайды және бұл үшін ол қызметінен кетуге де дайын.
ПСЖ, "Ювентус", "Интер", "Манчестер Юнайтед" және "Манчестер Сити" клубтары аргентиналықты алуға тырысуда. Ойыншының өзі Хосеп Гвардиоланың командасында ойнағысы келеді.
Ал Мане «Ливерпуль» сапында 2016 жылдан бері өнер көрсетеді. Өткен маусымда ол 35 матч өткізіп, 18 гол соқты.
Біздің серіктес: FONBET