"Барселона" Педро үшін 7 миллион фунт қана сұрап отыр

"Блауграна" Педроны Тұманды Альбионға жібергісі келіп отыр.  "Барселонаның" шабуылшысы жақын уақытта командадан кетуі мүмкін. Футболшы қосалқы құрамда отыра беруден жалыққанын мәлімдеген еді. 27-ші жасар Педро, Месси-Суарес-Неймар үштігінің көлеңкесінде қалып отыр. Клубтың басшылығы Педроның кетуіне қарсы емес. Өз түлегін белді командалардың біріне жайғастыруға барын салып жатыр. Сол үшін бағасын 7 миллион футнтқа бір-ақ түсірді. "Челси", "Ливерпуль", "Арсенал", "Тоттенхэм" секілді клубтарға Педроны ұсынған. Педро Родригес 2009-шы жылдан бері католониялық клубтың негізгі құрамында ойнайды. Осы уақытқа дейін 203 мәрте алаңға шығып, 58 голдың авторы атанған. Ал, Испания ұлттық құрамасы сапында 46 матчта 16 рет нысананың дәл көздеген.