Meta-ratings.kz сайтына белгілі болғандай, Екінші лигада өнер көрсететін "SD Family" командасы белгілі жартылай қорғаушы Бауыржан Джолчиевпен келісім-шартқа отыруы мүмкін.
30 жастағы футболшы 2015 жылдың желтоқсан айында "Астанадан" кеткеннен кейін ресми матчтарға қатыспады.
Джолчиев Қазақстан жастар құрамасының экс-ойыншысы Дидар Сыдықбек басшылық ететін клубтың ұсынысына әлі жауап берген жоқ. Алайда, "SD Family" тәжірибелі футболшы өз келісімін береді деп топшылап отыр.
Джолчиев "Тобылда", "Астанада", сондай-ақ Қазақстан құрамасында өнер көрсеткен. Мансабының ең жарқын сәтінде жартылай қорғаушыға Мәскеудің "Динамосы" қызығушылық танытқан болатын.
Біздің серіктес: FONBET