Чемпиондар лигасының жартылай финалдық кездесуінде «Бавария» «Лионды» 3:0 есебімен жеңді.
Кездесу Лиссабонда (Португалия) "Жозе Алваладе" стадионында өтті. Матчқа Матео Лаос бастаған испандық төрешілер тобы қазылық етті.
Есеп бірінші таймның ортасында ашылды. 18-минутта Йозуа Киммихтің пасының арқасында Серж Гнабри алғашқы голдың авторы атанды. 33-минутта Германия клубы екінші голды соғып кетті, Гнабри дубль жасады. Матч соңында Роберт Левандовски Киммихтің пасынан кейін есепті 3:0-ге жеткізді.
Финалда «Бавария» франциялық «Пари Сен-Жерменмен» кездеседі. Шешуші матч 23 тамызда Лиссабонда "Да-Луж" стадионында өтеді. Айта кетейік, «Бавария» - Чемпиондар лигасының 5 дүркін жеңімпазы, "ПСЖ" ешқашан турнирде жеңіске жеткен емес.
Біздің серіктес: FONBET