УЕФА Суперкубогының матчында «Бавария» «Севильяны» жеңді. Кездесу Будапешттегі (Венгрия) "Пушкаш Арена" стадионында өтіп, 2:1 есебімен аяқталды.
Бірінші таймның басында Давид Алаба өз айып алаңында Иван Ракитичке қатысты ережені бұзды. Төреші пенальти тағайындады, оны Лукас Окампос сәтті орындады. 34-минутта Леон Горетцка есепті теңестірді. Оң қапталдан асырылған пастан кейін Роберт Левандовски допты Горецканың аяғына салып берді, ол бұл мүмкіндікті голға айналдырды.
52-минутта Левандовски гол соққан еді. Төреші VAR-дың көмегімен офсайд болғанын анықтады. Сондай-ақ, төреші Левандовски тәртіп бұзды деп Сане соққан голды да жоққа шығарды. Матчтың негізгі уақыты 1:1 есебімен аяқталды.
Қосымша уақытта Хави Мартинес «Баварияны» алға шығарды. Бұрыштамадан асырылған пасқа Алаба бірінші жетіп, соққы жасады. Боно бұл допты қайтарды, Мартинес қақпашыдан серпілген допты қайтадан қақпаға бағыттап, жеңіс голын соғып кетті.
Осылайша, Мюнхеннің «Бавариясы» өз тарихында екінші рет УЕФА Суперкубогын жеңіп алды. «Севилья» бұл турнирде бір рет топ жарған.
Біздің серіктес: FONBET