«Белшина» клубы Беларусь Бірінші лигасының 24-турында «Нафтанды» 4:0 есебімен ұтты.
Қазақстандық футболшы Ислам Чесноков алаңға 68-минутта үшінші голдың авторы Илья Васильевтің орнына шықты. 77-минутта қорғаушы бұрыштамадан асырылған пасты қақпаға дәл бағыттап, ойынның нүктесін қойды.
24-турдан кейін «Белшина» Беларусь Бірінші лигасында екінші орынға табан тіреді.
Чесноков белоруссиялық клубқа осы жылдың сәуір айында қосылған еді. Содан бері 20 матч өткізіп, 3 мәрте мергендігімен көзге түсті.
Біздің серіктес: FONBET