Шымкенттік "БИІК-Қазығұрт" клубы Чемпиондар Лигасының 1/8 финалында "Бавариямен" жауапты кездесу өткізді. Ойын 3:0 есебімен мюнхендік клубтың пайдасына шешілді. Кездесу барысында Магулль (2'), Бойе Серенсен (35'), Лохманн (60') мергендігімен көзге түсті. Айта кетейік, екі команда арасындағы алғашқы матчта 6:1 есебімен "Бавария" жеңіске жеткен еді. Осылайша екі ойынның жалпы есебі 9:1 болып, шымкенттік клуб Чемпиондар Лигасындағы жорығын аяқтады.
"БИІК-Қазығұрт" командасының негізгі құрамы: Железняк - Денесик, Маллин, Роуз, Бабшук - Илич, Розе Мут, Жанатаева, Құлмағамбетова, Чилуфия, Габелия.
Естеріңізге сала кетейік, шымкенттік клуб 2019 жылы да дәл осы кезеңде "Баварияға" есе жіберген болатын (7:0).
Біздің серіктес: FONBET