«БИІК-Шымкент» Қазақстан чемпионы атанды

Шымкенттік «БИІК» оныншы чемпиондық титулын мерзімінен бұрын жеңіп алды. Чемпионаттың аяқталуына бір тур қалғанда Калоян Петков шәкірттері алтыннан алқа тағынды.

Екінші орынды түркістандық «Томирис-Тұран» иеленді, үздік үштікті «Оқжетпес» (Көкшетау) түйіндеді. 9 қазанда жеңімпаздар мен жүлдегерлерді марапаттау рәсімі өтті.

Чемпионат қорытындысы бойынша келесі номинациялар бойынша үздік ойыншылар анықталды:

• Үздік қақпашы - Айтач Шарифова («Оқжетпес»);
• Үздік қорғаушы - Анастасия Власова («Оқжетпес»);
• Үздік жартылай қорғаушы - Камила Құлмағамбетова («БИІК-Шымкент»);
• Үздік ойыншы - Бегайым Кырғызбаева («Оқжетпес»);
• Ең үздік сұрмерген - Гульнара Габелия («БИІК-Шымкент»)
• Маусымның үздік голы - Әйгерім Айтымова («Томирис-Тұран»).