Blick.ch басылымы: «Лозаннаға» әлі келесі кезең жайлы ойлау ерте

Петер Цайдлер сөзсіз баспасөз мәслихатында бұл қос кездесудің тек үзіліс кезеңінде тұрғанын еске салады. Барлық сақтық шаралары орынды естіледі. Бапкер өз рөлін атқарады. Алайда ол бір апта аралығында өткен екі сиқырлы еуропалық кештің куәсі болған лозанналықтарды баураған белгілі бір эйфорияның алдын ала алмайды. «Вардарды» 5:0 есебімен жеңгеннен кейін, бұл бейсенбіде «Лозанна-Спорт» «Астананы» 3:1 есебімен ұтты!

9008 көрермен, оншақты қазақстандық жанкүйерді қоспағанда, допты шебер игеріп, батыл әрі шабуылдаушы ойын көрсеткен команданың ойынын тамашалады. Барлығы мінсіз болар еді. Алайда қонақтар есепті қысқартып кетті. Бұл «Лозаннаға» финалға шықтық деп сенуге мүмкіндік бермеді. 3:0 есебінде матчтың тағдыры, негізінен, шешіліп қояр еді. Бірақ 3:1-де, тіпті сырт алаңдағы голды ескерсек те, олай деп айта алмайсың.

Егер қосымша уақытта Иван Башич соққан гол болмағанда, кешіміз мінсіз болар еді. Босниялық футболшы матчты өткізіп алуы мүмкін еді. Бірақ соңына дейін алаңда қалып, оның голы көңіл-күйді сәл түсірді.  «Лозанна» әлі де өте қолайлы жағдайда тұр. Бірақ ұзақ сапар алдында үш не екі доптық артықшылыққа ие болу мүлде бөлек мәселе. «Бешикташпен» өтетін өз алаңындағы ойынға әлі көп уақыт бар. Дегенмен, Петер Цайдлер «Лозанна» жанкүйерлеріне бұл туралы аздап ойлануға кедергі бола алмайды...», – деп келтіреді Blick.ch басылымы.