Болжам. Чемпиондық дәліз және «Аталантаның» ашуы
"Шэфилд Юнайтед" - "Тоттенхэм"
"Шэфилд" карантинге дейін керемет ойнады. АПЛдегі жағдайы да мықты еді, тіпті Англия кубогының ширек финалына жетті. Енді міне, карантин аяқталып, футбол қайта басталып еді бұл клубтың жолы болар емес. Бір қарқынмен ойыны жүріп тұрған кезде маусымның тоқтап қалған жаман әсер етті. Олар кубоктан шығып қалды, чемпионаттағы жағдайлары да күн санап нашарлап барады. Ал үлкен үзіліс "Тоттенхэмге" жақсы әсер етті. Харри Кейн жарақатынан айығып шықты. Сылбыр қимылдаса да, ойынға оралып келеді. Өткен матчта ол тіпті гол салды. Жылдамдығын да қайта жинап жатқандай. Осы матчтың фаориті "Тоттенхэм". Менің ойымша олардың жеңісін алуға болады. Ал қатты қиын десеңіздер "Тоттенхэм" Фора (0).
"Манчестер Сити" - "Ливерпуль"
Жалпы букмекерлік кеңседе қандай бәс бар, соның барлығына ұялмай ақша тігуге болатын матч. Мұнда "Сити" де, "Ливерпуль" де жеңуі мүмкін. Тең ойнаса тіпті тамаша дегендей. Не айтуға болады? "Ливерпуль" чемпион! "Манчестер Ситиді" екінші орыннан ешкім жылжыта алмайды. Гуардиола мен Клоптың теке тіресі. Бірінші айналымда "Ливер" 3-1 жеңген. Ендігі кезек "Ситиде". Клоп шәкірттері әбден тойлатып, 30 жыл күткен мерекені қыздырып жатыр. Клоптың өзін де биді сойып жүрген видеоларынан байқадық. Менің ойымша чемпиондық дәліз жасаймыз деген "Манчестер" осы ойынды жеңуі керек. Сондықтан да 1х деген бәсті таңдадым.
"Эйбар" - "Осасуна"
Өткен жолғы екі болжамымызда біз "Осасуна" гол салады деп болжам айттық. Екеуінде де бұл команда гол салды. Енді біз неге дәстүрден тайқуымыз қажет? Айтыңызшы? Осы турда да гол салады. Қарсыласы қатты мықты емес. Қорғанысы нашар ұжымдардың бірі. Кейде әрине, "Эйбар" тістесіп қалып, жабық ойын көрсетеді. Дегенімен, үшінші рет "Осасуна" гол салады деген бәсті алдым. Оның үстіне 1,46 коэф екен.
"Реал" М - "Хетафе"
"Хетафе" өткен турда "Реал" Сосьедадты жеңіп кетті. Голды байқаусызда салды. Оны мойындауымыз қажет. Неманья Максимовичтің командасы енді өте мықты ұжыммен кездеседі. Бұл турда гол салу қиын болады. "РЕалға" қазір 3 ұпай ғана керек. 1:0 деген есептің өзі Зинедин Зиданға тамаша нәтиже болып саналады. Баяғыдай қарсыласқа 3-4 голды тапырлатып салу жоқ. Бәрі есеппен. Футболды қатты сүйетін, шабуылға толы футболды айтамын, Зинедин бапкер есепшіл бапкерге айналды. Сондықтан да, тоталдар туралы таласты қоя тұрып, таза жеңісін алдым. "Реал" жеңеді - 1,4 коэф.
"Аталанта" - "Наполи"
О, мынау енді матч! Қызыққа толы тартысты кездесу. Джанпьеро Гасперини мен Дженнаро Гаттузо теке тіресі. 34 кездесуде "Бавария" 100 гол салды. Ал "Аталанта", 29 ойында 80 гол салды. Серия А-дағы ең көп гол соққан команда да осылар. Бергамо клубы шабуылды керемет жасайды. Ойнаған матчында 3 голдан салып жүр. "Наполи" қорғанысына сенеді. СПАЛдан гол жіберген "Наполи" Аталантадан" да гол жібереді. Өзі де гол салуы тиіс. "Наполи" жабық ойын ойнап, қарымта шабуылға иек артады. Дегенімен, мен жалпы тотал 2,5 көп дегенді алдым.
Айтпақшы, "Рома" - "Удинезенеі" жеңе алады деп ойлайсыздар ма? "Удине" сапында жарақатынан айыққан Кевин Лазанья жарқырап жүр ғой. Пікірлеріңізді жаза отырыңыздар.