«Ред Булл Зальцбург» шабуылшысы Карим Адейеми «Боруссия Дортмунд» клубына ауысты.
Кеше, 10 мамырда 20 жастағы футболшы Дортмундта медициналық тексерістен өтіп, клубпен бес жылдық келісім-шартқа отырды.
«Мені бала кезімнен Дортмунд клубының көрсететін қарқынды футболы қызықтырды. «Боруссияның» қызығушылық танытқанын білген бойда бірден осы командаға ауысқым келді. Мен әдейі клубпен ұзақ мерзімді келісім-шартқа отырдым, өйткені осындай керемет командада жүріп, жанкүйерлердің қолдауымен трофейлер жеңіп алатынымызға сенімдімін», - деді Адейеми.
Адейеми осы маусымда «Ред Булл Зальцбург» жейдесінде 41 ойынға қатысып, 23 гол соқты, 5 нәтижелі пас берді.
Біздің серіктес: FONBET