“Бұдан асқан сорақылық жоқ” – Қазақстандағы ең нашар стадион анықталды
Қазақстан Премьер лигасындағы жасыл алаңдардың сапасы тағы да қызу талқыға түсті, деп хабарлайды Aladop.kz.
Бұл жолы "Елімай" шабуылшысы Роман Мұртазаев “Хан-Тәңірі" стадионының газонына қатысты ащы шындықты жайып салды. Тіпті, тәжірибелі футболшы бұл алаңды еліміздегі "ең нашар газон” деп атап, өз наразылығын білдірді.
Мұртазаевтың айтуынша, мұндай алаңда сапалы футбол ойнау – ерлікпен тең. Шабуылшы алаңның жай-күйіне қатысты мынадай пікір білдірді:
“Алаң өте нашар, тіпті масқара десе де болады. Қазір бұдан асқан сорақысы жоқ шығар. Сондықтан мұндай жағдайда қандай да бір шеберлік көрсету өте қиын болды. Ойын бір голға дейін ғана созылды. Ең бастысы – сол голды біз соқтық, жеңіске жеттік және алға жылжимыз.”
Айта кетейік, тек футболшылар ғана емес, білікті мамандар да бұл мәселеге шүйлігуде. Бұған дейін "Қайраттың” бапкері Рафаэль Уразбахтин де аталған стадионның көгалын аяусыз сынға алған болатын. Оның пайымдауынша, мұндай жабындысы бар алаңдарда кәсіби деңгейдегі матчтарды өткізуге мүлдем рұқсат берілмеуі тиіс.
Стадион мәселесі неге маңызды?
Нашар газон ойыншылардың денсаулығына тікелей қауіп төндіреді. Доптың қозғалысы мен ойыншылардың техникасы алаң сапасына тікелей байланысты, және жоғарғы лига деңгейіндегі матчтардың тақыр жерде өтуі отандық футболдың беделіне нұқсан келтіреді.
Біздің серіктес: FONBET