“Бұл — үлкен жетістік” – Қазақстан футболындағы жылдың басты оқиғасы аталды
Қазақстан ұлттық құрамасының бұрынғы ойыншысы, белгілі маман Павел Евтеев 2025 жылдың қорытындысы бойынша отандық футболдағы ең маңызды жаңалықты атап өтті, деп хабарлайды Aladop.kz.
Сарапшының пікірінше, биылғы жылдың басты жетістігі — Aлматылық "Қайраттың” халықаралық аренадағы тарихи қадамы.
"Қайраттың” қос жеңісі
Евтеев биылғы маусымның "Қайрат” үшін өте сәтті болғанын алға тартты.
"Меніңше, жылдың басты оқиғасы — Алматылық "Қайраттың" Чемпиондар лигасының негізгі кезеңіне шығуы. Бұл — өте салмақты нәтиже. Оның үстіне, олар Қазақстан чемпионы атағын абыроймен қорғап қалды." — деді маман Sports.kz сайтына берген сұхбатында.
Әлемдік грандтармен кездесу — жаңа серпін
Павел Евтеевтің пайымдауы бойынша, Еуропалық топ клубтармен өтетін кездесулер тек "Қайратқа” ғана емес, бүкіл еліміздің футболына оң әсерін тигізбек.
Әлемдік деңгейдегі жұлдыздарға қарсы ойнау футболшылардың шеберлігін арттырады. Мұндай деңгейдегі матчтар жанкүйерлердің қызығушылығын оятып, спорттың дамуына үлкен серпін береді.
Жаңа маусымнан не күтеміз?
Маман сөзінің соңында келер жылға деген тілегін де білдірді. Ол тек "Қайрат" ғана емес, Еурокубоктарда бақ сынайтын барлық Қазақстандық ұжымдардың сәтті өнер көрсетуін тіледі.
"Келесі жылы барлық клубтарымыздан табысты ойын күтеміз. Жаңа жыл бізге көптеген тамаша матчтар сыйлайды деп сенемін.” — деп түйіндеді сөзін Евтеев.
Біздің серіктес: FONBET