"Манчестер Юнайтед" сапында бір жылды жалда өткізген Радамель Фалькао "Монако" сапына оралғысы келмейді. Луи Ван Галл мен жанкүйерлердің көңілінен шығып, нәтижелігімен көзге түсе алмаған соң, жақында Лондонның бір клубына ауысуды қалаймын деп мәлімдеген болатын. Сол үшін жалақыны да аз алуға дайын. Колумбиялық шабуылшыға Жозе Моуриньо қызығып отыр. Дидье Дрогба командадан кетті, ал Диего Коста жиі жарақат алады. Сонымен қатар футболшының агенті Жорже Мендеш, "ақсүйектердің" бапкері Моуриньоның да агенті екенін ескерген жөн.