Футболдан Англия чемпионатының XXXI тур ойындарында лондондық «Челси» қақпашысы Тибо Куртуа 60 метр қашықтықтан қақпасына доп өткізіп алды.
Жозе Моуринью жаттықтыратын «Челси» өз алаңында «Сток Ситиді» 2:1 есебімен жеңіп, чемпиондық атаққа жақындай түсті. Ал қарсыластардың сапынан белсенген Чарли Адам ХХХІ турдағы ең үздік голдардың бірін еншісіне жазды. Ол 44-минутта «ақсүйектер» қақпашысының алға шығып кеткенін байқап, тура соққы бағыттады. Нәтижесінде Тибо Куртуа допты қайтаруға дайын болмай шықты.