“Челсиде” толықтай қалуына мүмкіндігі бар

Қайрат Боранбаев Дастан Сатпаевтың болашағына қатысты қойылған сұраққа жауап берді:

• Ең алдымен, ол “Челси” клубына барады. Ол барған соң, негізгі құраммен бірге маусым алды дайындық жиынына қатысады. Бұл жаттығулардың қалай өтетініне Энцо Мареска бастаған бапкерлер штабы шешім қабылдайды. Ал “Страсбургке” келер болсақ, Дастанның келісімшарты “Челсимен”, “Страсбургпен” емес. Ол “Челси” клубына барады, ал әрі қарай не болатынын кейін көреміз.

Осыған дейін көптеген БАҚ өкілдері Дастан Сатпаевтың “Челсидегі” жолы Францияда жалға ойнап келуімен басталады деп ақпарат таратқан болатын. Алайда Боранбаевтың айтуынша, ақсүйектер қазақ вундеркиндің командада бірінші сынап көреді екен. Одан кейін, бапкерлік штабтың шешімімен Дастанның алдағы тағдыры белгілі болады.

Айта кетейік, Дастан келесі жылдың 12 тамызында 18-жасқа толмақ. Сол арқылы отандасымыз “Челсимен” кәсіби келісім шартқа отыра алады.