Чемпион маусымды жеңіліспен бастады және жеңіспен пара-пар тең ойын

Ағылшын Премьер-лигасының қазіргі жеңімпазы лондондық "Челси" жаңа маусымның 1-турында өз алаңында "Бернлиді" қабылдап 2:3 есебімен сенсациялық жеңіліске тап болды. Кездесудің бірінші бөлігінде қонақтар жауапсыз үш гол соғып, "Стэмфорд Бриджге" жиылған жанкүйерлердің жағасын ұстатты. Воукс дубльдің авторы атанса, Уорд бір голмен шектелді. Ойынның екінші бөлігінде 10 адаммен ойнап жүріп, есепті теңестіруге ұмтылған Конте шәкірттері Моратаның көмегімен есеп айырмасын 2 допқа дейін қысқартты. Артынша кездесудің 81-ші минутында "аристократтардың" жартылай қорғаушысы Фабрегас ойыннан қуылған соң, 9 ойыншымен ойнауға мәжбүр болған "көктер" мінез көрсетіп, кездесудің негізгі уақыты аяқталар сәтте есеп айырмасын қысқартты. Алаң иелерінің қорғаушысы Давид Луиз матчтың 89-шы минутында есепті "жұмсартып" 2:3 қылды.   Осы турдың тартысқа толы тағы бір кездесуі "Уикаридж Роуд" стадионында өтті. Өз алаңында азулы "Ливерпульді" қабылдап, 3:3 есебімен тең ойнаған  "Уотфорд" жанкүйерлерінің алдында ерледі. Көпшілік ойынды Клоп баптайтын ұжымның басымдығымен өтеді деп күтсе керек. Коутинью, Фирмино бастаған және трансферлік терезеде қосылған Салах сынды футболшылары бар "мерсисайдтықтарды" қарапайым клубпен ұпай бөліседі деп кім ойлаған?! Міне осындай болжауға келмейтіндігімен қызық қой АПЛ. Және де қос команданың былтырғы маусымдағы кездесуінде "қызылдардың" жартылай қорғаушысы Эмре Джанның соққан әдемі голы футбол сүйер қауымның есінен ескермесе керек.  Бас төрешінің ысқырығы шалынуымен алаң иелері шабуылға көшіп, 8-ші минутта есеп ашты. Голдың авторы Окака атанды. "Уотфордтан" мұндай қонақжайлықты күтпеген қонақтар тайлы-тұяғымен шабуылдап, 29-шы минутта есепті теңестірді. Осындай командасы үшін қиын сәтте Мане өз орнынан табылып гол соқты. Араға үш минут салып, есеп қайтадан өзгерді. Бұл жолы жергілікті жанкүйерлердің қуанышына қарай болды. 32-ші минутта Дукуре гол соғып,  командасын алға сүйреді. Бірінші тайм алаң иелерінің пайдасына шешілді. Екінші таймда жеңіске деген жігер танытқан қонақтар алдымен есепті теңестіріп, артынша тіпті есепте алға шықты. 55-ші минутта Фирмино пенальтиден есепті тағы бір мәрте тең қылса, Салах тағы да сол Фирминоның пасынан кейін гол соқты. Ойын аяқталар сәтте көпшілік Клоп шәкірттерінің жеңісіне сенімді болып жатқанда, алаң иелері, күтпеген жерден есепті теңестіріп кетті. Жергілікті халықпен командаластарының сыйына бөленген Бритос командасына жеңіспен пара-пар тең ойынды сыйлады.

Руслан Мералиев