"Лацио" шабуылшысы Чиро Иммобиле А сериясының 36-туры аясында "Пармаға" қарсы өткен матчта гол соқты (1:0). Бұл шабуылшының римдік клубтың жейдесінде соққан 150-ші голы болды.
Осылайша, Иммобиле клубтың үздік сұрмергендері тізімінде бірінші орынға шықты. Кешегі матчтан кейін Чиро "Лацио" сапында 149 гол соққан Сильвио Пиоладан асып түсті. Ал 127 голдың авторы атанған Джузеппе Синьори үшінші орынға жайғасты.
Иммобилеге бұл рекордты бұзу үшін 217 матч қажет болды. Шабуылшы "Лацио" клубына 2016 жылы ауысып келді. Осы уақыт ішінде 42 рет командаластарының көзге түсуіне мүмкіндік жасады.
Италия чемпионатының ағымдағы маусымында Иммобиле 33 матч өткізіп, 20 гол соқты, 7 голдық пас берді. Ал Чемпиондар Лигасында 5 кездесу өткізіп, 5 гол соқты. Transfermarkt порталы ойыншының құнын 45 миллион еуроға бағалайды.
Біздің серіктес: FONBET