Испаниялық «Реалдың» бас бапкері Карло Анчелотти Чемпиондар лигасының финалында «Ювентуспен» кездескісі келетінін айтты.
«Чемпиондар лигасының финалында «Ювентуспен» кездескім келеді. Сол кезеңге дейін жетеміз деп үміттенемін, себебі біздің ең алғашқы мақсатымыз – финалға шығу. Ал екіншісі – сол турнирде топ жару», - деді италиялық маман.
Естеріңізге сала кетсек, Анчелотти бапкер ретінде Чемпиондар лигасын үш рет жеңіп алған – былтыр «Реалмен» және 2003 және 2007 жылдары «Миланмен».