Әділет Бәрменқұлов: Қазақстан футболын дамыту жолында атқарған жұмысымның нәтижесін ашық қорғауға дайынмын.
Қазақстан футбол федерациясының бұрынғы президенті Әділет Бәрменқұлов ресми мәлімдеме жасады.
Айта кетейік, осыған дейін ҚФФ-ның бұрынғы басшысы қылмыстық іс бойынша күдікке ілінгені айтылған болатын.
РЕСМИ мәлімдеме.
Кейбір бұқаралық ақпарат құралында жалған мәлімет таралып жатқандықтан ресми мәлімдеме жасауды жөн көріп отырмын.
Бас прокуратура Қазақстан футбол федерациясы мен бірқатар футбол клубына тексеріс жүргізді. Соның нәтижесіне сай Қаржы мониторингі Агенттігі сотқа дейінгі тергеу жүргізіп жатыр.
Алдын ала тон пішіп, тағылған айып пен заң бұзушылықтарды менің атыммен байланыстыру негізсіз.
БАҚ пен түрлі блог авторларын, ақпарат агенттіктерін қоғамды жаңылыстырмай, болжам-жорамалдарыңызды таратпауды сұраймын.
Қажет болған жағдайда мен тек өз атымды ғана емес, Қазақстан футболын дамыту жолында атқарған жұмысымның нәтижесін де ашық қорғауға дайынмын.
Бүгінде кез-келген деструктивті сөз менің абыройыма ғана емес, Халықаралық деңгейде еліміздің бүкіл спорт қауымдастығының беделіне нұқсан келтіреді.
Тергеу органдарының заң шеңберінде жұмыс істеп жатқанына сенімдімін”, – делінген Ә. Назарбаевтың жазбасында.
Соңғы ақпаратқа сай, жағдай сәл басқаша болып шықты. Қазақстан футбол федерациясының бұрынғы басшысы Әділет Бәрменқұловтың қылмыстық іс бойынша ешқандай күдікке алынбағандығы анықталып отыр.
Біздің серіктес: FONBET