Өткен жылдың қазан айында Қазақстан жастар құрамасының жартылай қорғаушысы Дмитрий Бачектің испаниялық «Юнион Депортиво Побленсе» клубымен келісімшарт жасағаны белгілі болды.
Қарағанды футболының түлегі «Шахтерден» кеткеннен кейін Испанияның үшінші дивизионында ойнайтын команданың қатарына қосылды.
Prosports.kz осы уақытқа дейін жаңа командасы үшін чемпионатта үш, Испания кубогінде бір ойын өткізіп үлгерген болашағынан зор үміт күттіретін футболшымен байланысқа шықты.
- Дмитрий, қалайсыз? Еуропаға бой үйретіп жатырсыз ба?
- Рахмет, бәрі жақсы. Испания мені жылы қабылдады. Ешқандай қиындық жоқ.
- Батыл қадам жасап, өмірі мен футбол философиясы жағынан Қазақстанға ұқсамайтын бейтаныс Еуропа еліне көшуге бел буғаныңызға өкінбейсіз бе?
- Жоқ, әрине, бұл үшін өкінбеймін. Менің ойымша, біз жиі тәуекел етуіміз керек. Сонда ғана алға жылжимыз. Көптеген футболшылар Испанияда ойнауды армандайды, менде мұндай мүмкіндік болғанына қуаныштымын.
- Командада жаңа дос таптыңыз ба? Испан тілін меңгеру жағы қалай?
- Командада өте жақсы достық атмосфера бар. Бәрімен жақсы қарым-қатынастамын. Түсінбеген жерде бәрі көмек қолын созады.
- Жергілікті футболдан алған әсеріңіз қандай?
- Деңгей өте жоғары. Бұл жерде ойынның қарқыны басқа, жылдам футбол, сонымен қатар ойыншылардың шеберлігіне басты назар аударады.
- Әзірге сіз «Побленсе» сапында алаңға аз шығып жүрсіз. Чемпионаттың деңгейіне дайынмын деп ойлайсыз ба?
- Ия, мен дайынмын деп ойлаймын. Ұзақ үзілістен кейін қатарға қосылып кету қиынға соқты. Бірақ көп еңбектенемін.
- Жас футболшы аталмыш чемпионатта шеберлігін шыңдай ала ма?
- Әрине. Сегунда Б-ның деңгейі кей елдердің негізгі чемпионатынан төмен емес. Сонымен қатар, мұнда топ-клубтардың жас футболшылары ойнайды. Сондай-ақ скауттар да өте көп.
- Сегунда Б өзінің орташа деңгейі бойынша ҚПЛ-мен тайталаса ала ма? Әлде тіпті асып түсе ме?
- Деңгейі жоғары болмаса, кем емес. Мұндағы футбол жылдам. Футболшылардың техникалық шеберлігі, физикалық дайындығы жоғары.
- Осы маусымда «Побленсе» алдына қандай міндеттер қойылды?
- Клуб үшін басты мақсат - лигада қалу.
Біздің серіктес: FONBET